«الإيمان مش كلام»، سميح ساويرس: بعض مشاريع فشلت لأني رفضت الرشاوى

الجمعة، 06 يونيو 2025 08:48 م

سمبح ساويرس

كشف رجل الأعمال والمهندس سميح ساويرس، عن تعرض بعض مشروعاته في مصر للفشل نتيجة رفضه دفع رشاوى، مؤكدًا أن ذلك موقف مبدئي لا يمكن التنازل عنه، قائلًا، «أنا راجل عندي إيمان».

وأوضح ساويرس خلال استضافته في بودكاست «الحل إيه؟» مع الدكتورة رباب المهدي، أن تمسكه بهذا المبدأ ينبع من إيمانه بخوفه من الله، مضيفًا، «يعني هضحك على ربنا؟ هيوديني ورا الشمس أكيد».

رفض رشاوى بمبالغ هايفة «ده مبدأ»

وأشار إلى أن المبالغ التي تُطلب منه كرشاوى تكون أحيانًا بسيطة، لكنه يرفض الدفع رغم ذلك، وقال: «أنا ساعات بتبوظلي مشروعات على مبالغ هايفة، يعني رشاوي مطلوبة هايفة، حتى المسؤولين بيقولولي: طب ما كنت أديت وخلاص، يعني دي كانت مثلًا 50 ألف جنيه، تفرق معاك إيه؟ وأنا أقولهم لأ، ده مبدأ».

رفض الرشاوى «أنا راجل عندي إيمان»

وعن أسباب رفضه دفع الرشاوى، شدد ساويرس قائلًا: «لا يمكن، لأن أنا راجل عندي إيمان، مش هزار، ما يغركش المنظر وكده، لا أنا عندي إيمان، إن بما إن ربنا إداني بشرط، وأنا اللي طالب، وأنا اللي عرضت، لو أدتني مش هعمل ولا حاجة من الكلام ده، يعني هضحك على ربنا، هيوديني ورا الشمس».

لو بزاول الأنشطة في البلاد النامية

وأضاف: «يعني لو أنا فعلًا لسة بزاول الأنشطة العادية في البلاد النامية اللي هو ده عايز وده عايز، طبعًا هيدي ده شوية ويدي ده شوية وخلص أمورك، وخلص شغلك، لكن ده ما ينفعش».

وحول دفع بعض الأغنياء للرشاوى، أوضح ساويرس موقفه الشخصي قائلًا: «أنا مش طول عمري كده ملاك، أنا الصلاة دي ابتديت لما لقيت إني مش قادر ما أعملش كده زيهم».

وأوضح: «أنا عندي مصنعين، المصنع التالت محتاج أدفع فيه رشوة، ما يلزمش المصنع التالت».

متلوميش الناس اللي وراهم مصاريف ومسؤوليات

وفي سياق متصل، بشأن قدرته المالية الحالية، قال ساويرس: «فمتلوميش الناس اللي وراهم مصاريف مدارس، ووراه مصاريف حياته الاجتماعية، ومسؤولية تجاه عيلته، مع إنه غني، لكنه ما وصلش لمرحلة إنه ممكن يقول أنا مش محتاج حتى أكسب كل سنة مبلغ كذا يغطي مصاريفي».

كامل الوزير يرد على تصريحات سميح ساويرس: مشكلته اتحلت بتوجيه رئاسي

«ساويرس فى المقدمة», أغنى 5 عائلات عربية في 2025 وثرواتهم تتخطى المليارات

أنا مش مكسوف أقول ممكن أقعد في البيت

وأضاف: «أنا النهاردة مش مكسوف أقول إن ممكن أقعد في البيت ما أعملش حاجة خالص، مش هموت من الجوع ومش هعوز حاجة، فبالتالي اللي وضعه زيي عليه مسؤولية أكبر من اللي وضعه مش زيي».

واختتم ساويرس تصريحاته قائلًا: «فبرضه الواحد ما ينساش الجزئية دي وهو بيقارن الناس، يعني ما تدينيش ميدالية على حاجة، وتقولي الناس دي ما تستاهلش الميدالية دي، لأن الوضع والمقارنة مش سليمة، مختلف».

Short Url

أخبار متعلقة