أسعار النفط تتجاوز 95 دولارًا.. تصعيد واشنطن وطهران يهدد حركة الملاحة في مضيق هرمز
وول ستريت تنهي جلسة الأربعاء على ارتفاع.. الأسهم الأمريكية تستعيد جزءًا من خسائرها
الحاويات الصينية تبحث عن قيمة أكبر في مصر.. تصنيع وتخزين وإعادة تصدير بدلًا من العبور
«الطرق والكباري» تنفي هدم كوبري مفيض توشكى القديم في أسوان بسبب التشققات

بالفيديو.. زيادة جديدة في معاش تكافل وكرامة بداية من يوليو

السبت، 07 يونيو 2025 10:36 ص

تكافل وكرامة

أعلنت وزارة التضامن الاجتماعي عن بدء صرف زيادة جديدة في معاش “تكافل وكرامة” بداية من شهر يوليو 2025، ضمن حزمة الحماية الاجتماعية اللي أعلنتها الحكومة لدعم الفئات الأولى بالرعاية. القرار ده هيشمل الملايين من الأسر اللي بتستفيد من البرنامج، واللي وصل عددهم لحد دلوقتي لـ 4.7 مليون أسرة.

الفئات اللي ليها حق في المعاش هم ذوي الإعاقة، الأطفال الأيتام أو أبناء المطلقات والمسجونين، الستات المعيلات، كبار السن فوق الـ65، والأسر اللي ظروفها المعيشية صعبة زي أسر المجندين. الوزارة أكدت إن المعاش بيتراوح حاليًا ما بين 900 جنيه وبيوصل في بعض الحالات لـ 3000 جنيه، على حسب حالة الأسرة وعدد أفرادها.

الناس اللي عايزة تستعلم إذا كان ليهم حق في المعاش أو لأ، يقدروا يدخلوا على الموقع الرسمي لوزارة التضامن الاجتماعي، ويكتبوا الرقم القومي في خانة الاستعلام، علشان تظهر لهم حالة الطلب سواء كان مقبول، أو موقوف، أو جاري المراجعة.

وفي الفترة من أبريل ليونيو 2025 بس، انضمت 190 ألف أسرة جديدة للبرنامج، في مؤشر واضح إن الحكومة بتوسع نطاق الدعم بشكل مستمر. وتأكيدًا على ده، صرّحت وزيرة التضامن، الدكتورة مايا مرسي، إن الدولة حريصة توصل الدعم لكل اللي يستحقه، خصوصًا في ظل الظروف الاقتصادية الصعبة.

Short Url