دعم تاريخي للمنتج المصري 45 مليار جنيه للصناعة والتصدير

لو عندك مصنع، أو بتشتغل في الصناعة، أو حتى نفسك تبدأ تصدّر منتجاتك بره، الحكومة عندها خبر مهم ليك

الحكومة أعلنت عن برنامج جديد لدعم التصدير والصناعة بقيمة 45 مليار جنيه، والهدف منه هو مساعدة المصانع والشركات اللي بتصدر منتجاتها، خصوصًا في وقت التحديات الإقتصادية اللي بنمر بيها.

البرنامج ده مش بس هيوفر دعم مالي مباشر، ولكن هيخلّي إجراءات الجمارك أسرع وأسهل، علشان المنتجات تخرج من الميناء بسرعة، وتكلفة الإنتاج تقل، وسعر المنتج يبقى منافس بره.

كمان فيه خطة لزيادة نسبة المكون المحلي جوه المنتج، يعني نعتمد أكتر على المواد الخام اللي عندنا، وده هيوفر عملة صعبة ويقلل الاستيراد.

المهندس ميشيل الجمل، رئيس شعبة الأدوات الكهربائية، قال إن الخطوة دي مهمة جدًا، وهتساعد الشركات تصمد وتكبر، وكمان توسّع إنتاجها.

الحكومة كمان بتركّز على توفير بيئة مناسبة للتصدير وهي :

- تسهيلات ضريبية.
-إجراءات جمركية أسهل.
- أراضي للمشروعات.
- تسهيلات تمويلية.

يعني ببساطة، الفرصة دلوقتي متاحة للكل، والمجال مفتوح لأي حد عايز يكبر شغله، ويخلي المنتج المصري ينافس في السوق العالمي بقوة.

أخبار متعلقة

45 مليار جنيه لتحفيز الصناعة والتصدير، الدولة تراهن على المنتج المصري

04 يونيو 2025 12:13 م