الرئيس التنفيذي لـ«مجموعة السيارات البولندية» في حوار لـ«إيجي إن»: 11 مليون سيارة في مصر تمثل قاعدة هائلة لسوق ما بعد البيع.. المنافسة الصينية قوية من حيث الأسعار لكن الجودة ومواصفات المنتج لصالحنا
تحت 800 ألف جنيه.. أرخص 11 سيارة أوتوماتيك جديدة بعد الزيادات الأخيرة
استجابة لطلب رئيس الجمهورية.. مجلس النواب يقرر عقد جلسة طارئة غدًا الأحد
«آي صاغة»: الذهب يرتفع 95 جنيها خلال أسبوع رغم التراجع العالمي.. والدولار يقفز 2.06%

بعد تشميع 11 فرع، أول تعليق من إدارة «بلبن» عن وجود حالات تسمم

الأربعاء، 16 أبريل 2025 06:07 م

محلات بلبن

أحمد هريدى

نشرت الصفحة الرسمية لمحلات بلبن، على موقع التواصل الاجتماعي «فيسبوك» بيانًا توضح فيه أسباب غلق فروع محلات بلبن في مصر خلال الأيام الماضية.

قال «بلبن»، خلال المنشور: «الغلق اللي حصل لفروع بـلبن خلال الأيام اللي فاتت في مصر ماكانش له أي علاقة بحالات تسمم، ولا في أي بلاغ طبي أو تقرير رسمي بيقول كده».

وأوضح «بلبن»: «اللي حصل هو غلق إداري لأسباب تنظيمية، وإحنا بنتعامل معاه بكل احترام وشفافية، متابعا: «لكن اللي بيحصل حوالينا الأيام دي مش مفهوم، فيه موجة كبيرة من الكلام، وفيه تركيز غير معتاد».

25 ألف شخص يعمل بمحلات بلبن

وأضاف بلبن: «هناك تساؤلات حوالينا إحنا كمان مش لاقيين لها إجابة واضحة، وبعض الصحف والمنصات اختارت العنوان اللي يولّع، من غير ما تتأكد، ومن غير ما تراعي الكلمة هتروح فين وهتعمل إيه ونسيوا إن بـلبن فيه أكتر من 25,000 شخص بيشتغلوا بشكل مباشر، ده مكان أكل عيشهم ورزقهم وبكل بساطة ممكن تتسبوا في قطع عيشهم».

وتابع بلبن: «وده مش موضوع مين بيحب البراند ومين لأ، ولا مين شايفه يستحق ومين شايفه لا، ده موضوع أرزاق أرزاق ناس كتير، ناس مالهاش أي ذنب في ده».

حالات تسمم، تشميع 11 فرع لـ بلبن بمحافظة الجيزة

في وقت سابق، كان محافظ الجيزة أعلن تشميع 11 فرعا لـ«بلبن» في الشيخ زايد والجيزة، وبعض المناطق الأخرى، بعد بلاغ تسمم 3 أشخاص، حيث تناولوا أرز بلبن بالمانجو وبعد المنتجات الأخرى.

وجاء القرار بتشميع 11 فرعا لـ«بلبن» بعد تسمم 3 أشخاص بالشيخ زايد، حيث نفذت قوة من الأمن قرار التشميع الصادر من محافظ الجيزة، وذلك بعد بلاغ تسمم 3 أشخاص تم تحويلهم إلى المستشفى في حالة خطيرة، وضعوا بعدها تحت ملاحظة الأطباء.

تفاصيل الواقعة

وتلقت الأجهزة الأمنية بلاغا من المستشفى يفيد باستقبال 3 حالات تسمم، إثر ادعاء تناولهم حلويات من إحدى فروع سلسلة بلبن للحلويات بمنطقة الشيخ زايد بالجيزة.