هل يتأثر الـ«أي سكور» للشخص حتى لو لم يقدم على قرض؟ فيديو

بدأت التساؤلات تتزايد بين المواطنين في مصر حول مفهوم “الآي سكور” أو التقييم الائتماني، خصوصًا مع زيادة الاعتماد على الخدمات البنكية والتمويلية. موقع “إيجي إن” أجاب عن أبرز الأسئلة اللي بتدور في أذهان الناس بشكل مبسط وبالعامية المصرية.

الآي سكور.. رقم يحدد مدى الالتزام في سداد القروض أو البطاقات الائتمانية

الآي سكور هو الرقم اللي بيعبر عن مدى التزامك في سداد القروض أو البطاقات الائتمانية، والبنوك بتستخدمه علشان تحدد إذا كانت هتوافق على طلبك للحصول على تسهيلات مالية ولا لأ. وبيتبين من خلال التقرير الائتماني اللي بيصدره I-Score، الشركة المسؤولة عن تجميع بيانات العملاء في السوق المصرية.

والمفاجأة إن تقييمك ممكن يتأثر حتى لو ما أخدتش قرض! فمثلًا، لو ضامنت شخص معرفش يسدد التزاماته، اسمك بيتأثر لأنه بتعتبر مسؤول معاه. كمان، المحافظ البنكية ما بتأثرش مباشرة على التقييم، لكنها ممكن تساعدك تلتزم في السداد.

أما بخصوص الإجراءات القانونية، فحتى لو سددت الدين، التقرير بيحتفظ بالمعلومة لفترة، بتختلف حسب طريقة السداد. بطاقات الخصم المباشر ملهاش علاقة بالآي سكور، لأنها مش وسيلة ائتمان. وبالنسبة للمشتريات، فعددها مش بيأثر، لكن المبلغ اللي لسه متسددش هو الأهم.

الرسالة الأساسية: خليك دايمًا ملتزم في سداد التزاماتك البنكية، وراجع موقفك المالي قبل ما تضمن حد. كل خطوة بتعملها بتترجم في تقريرك، وبتأثر على فرصك المستقبلية في الحصول على تمويلات أو تسهيلات من البنوك.
لمزيد من التفاصيل متابعة الفيديو من خلال الرابط التالي.