السيسي: نتمنى أن يحصل كل مواطن على دخل يكفيه ويكفي أسرته

الإثنين، 19 أكتوبر 2026 04:28 م

الرئيس عبدالفتاح السيسي

أكد فخامة الزعيم الرئيس عبد الفتاح السيسي، صباح اليوم الاثنين، أهمية مناقشة أوضاع سوق العمل ومستويات الدخل، والاستماع إلى ما ستعرضه الحكومة من تفاصيل بشأن المشروعات والإجراءات التي تم تنفيذها خلال السنوات الماضية، وذلك خلال فعاليات منتدى مصر 2026.

وقال الرئيس عبد الفتاح السيسي، خلال كلمته في منتدى مصر 2026: « أنت بتجيب مليون خريج يعني كل دول لما بييجوا، طب بيتخرج كام إذا كنا بنقول إن سوق العمل بيدخل فيه كل سنة مثلًا تقريبًا مليون، طب المليون دول على مدى 12 سنة، يعني 12 مليون».

وأضاف الرئيس: «طب هم لو مش موجودين يبقى في كلام عن مستوى معيشة أفضل، ليه لأن فيه فرق أن يدخل 10، أو 25 أو 30 وده اللي إحنا بنحاول نحققه».

وتابع الرئيس السيسي حديثه عن معدلات البطالة، قائلًا: «لكن عايز أقول في النهاية لما نيجي نقول إن معدل البطالة 5.7، 5.8 طب يعني مع المدة نزل في سوق العمل ما يقرب من 12 مليون إنسان؟».

وأشار الرئيس إلى أن الاختلاف حول مستوى الدخل ومدى كفايته لتلبية احتياجات المواطنين أمر يمكن مناقشته، موضحًا: «نختلف أو نتفق على إن مستوى الدخل زي ما قلت كده، قد يكون مش زي ما بنتمناه، وإحنا نتمنى إن كل مواطن ياخد اللي يكفيه ويكفي أسرته وكلام من هذا القبيل يعني».

وأكد الرئيس السيسي أن الهدف من المنتدى هو الاستماع إلى ما ستعرضه الحكومة ومناقشة مختلف الملفات، داعيًا المفكرين والمثقفين والإعلاميين والمواطنين إلى متابعة فعاليات المنتدى خلال الأسبوع الجاري.

وقال الرئيس: «الهدف من المنتدى أن نسمع ونسمع كويس، وبدل ما إحنا هنا حضرنا مفكرين، أو مثقفين، أو إعلاميين، أو حتى المواطن العادي، خد خلي الأسبوع ده، خلي الأسبوع ده ركّز معانا فيه، لأن إحنا هنقول فيه تفاصيل كتير لكل الموضوعات اللي اتعملت، سواء كانت تهمك، أو ما تهمكش، بس أكيد هي بتأثر في حياتك».

وأضاف أن اهتمامات المواطنين قد تختلف من شخص لآخر، موضحًا أن بعضهم قد ينصب اهتمامه على مقدار الزيادة في الدخل أو حجم الإنفاق، وهو أمر وصفه بأنه مشروع، لكنه شدد على أن ما تم تنفيذه من مشروعات وإجراءات له تأثير على حياة المواطنين، وسيمتد أثره إلى أبنائهم وأحفادهم في المستقبل.

وأوضح الرئيس: «يعني ممكن تكون ما تهمكش، ممكن يكون اللي بيهمك إنك أنت دخلك زاد كام، أو بتصرف كام، وده برضه مشروع. لكن أنا اللي هقول لك إن اللي اتعمل ده ما فيش شك كان ليه تأثير عليك، وهيبقى ليه تأثير على أبنائك وأحفادك فيما بعد».

واختتم الرئيس السيسي كلمته قائلًا: «طوّلت عليكم، لكن عايز أقول إن إحنا يعني الحكومة جاية تقول: ده اللي إحنا عملناه، وده اللي إحنا بدأنا منه، وده اللي لو مكنّاش عملناه كان هيحصل كده ».