محمد أبو النجا عن شركات التقسيط: الناس بتستلف من شركة علشان تسدد لشركة تانية

السبت، 16 مايو 2026 12:09 م

محمد أبو النجا نجاتي

قال رائد الأعمال محمد أبو النجا نجاتي، إنه تحدث عن موضوع شركات القروض وخطورتها منذ حوالي 4 سنوات، وخاصة تأثيراتها السلبية التي أدت للعديد من المشاكل والتحديات أمام الأسر.

وقال “أبو النجا” عبر حسابه على موقع التواصل الاجتماعي «فيس بوك»: «يشهد الله إني اتكلمت في الموضوع ده من 4 سنوات، وتم التنكيل بيا.. و اتهموني إني اترفدت وبداري الرفد وكلام غريب.. والحقيقة إني اعترضت علي كل ده، وسبت فلوس ومجد رهيب، علشان الشغلانة غلط في رأيي، وكل من هب ودب عمل BNPL وبهدلونا».

وأضاف رائد الأعمال، أن البنوك تسلف الأغنياء لعمل مشروعات ثم ترد الأموال مرة أخرى، بينما هناك فئات فقيرة لا تتمكن من السداد بسهولة، قائلاً: «طيب البنوك بتسلف الغني يعمل مشروع و يرد الفلوس.. الست الغلبانة اللي بتستلف علشان تجوز بنتها وتدفع جنيه علي الجنيه وتعطل فتستلف من شركة تانية علشان تدفع وتتهدد بالحبس ويتشهر بيها وكل جريمتها إنها عايزة تجوز ولادها يا عيني.. والابن اللي راح اشتري بالقسط تليفون مش محتاجه.. بس معاه «رصيد» يشتري بيه فالأب باع أساسيات علشان يسدد مكانه. و بقي الأنقح اللي بيستلف فلوس يراهن بيها علي الماتشات !! شكرا إن الموضوع رجع تاني.. بكرة هيكلموني يهددوني تاني زي زمان .. لو حصلي حاجة اعرفوا إني اتكلمت في القصة دي من الأول بالله عليكم وربنا يحفظنا جميعا، ويستر علينا و يحفظ مصر وأهلها الطيبين".

يذكر أن رائد الأعمال محمد أبو النجا نجاتي، تحدث عن القروض وأضرارها منذ 4 سنوت، ولكنه واجه بعض التحديات والخلافات بزعم أن ذلك اضرار بالناس التي تعمل في هذا القطاع.