رئيس "قطونيل" يكشف كواليس ربح أول مليون جنيه، ويؤكد: أساعد أصحابي في الإعلانات

تحدث باسل سماقية رئيس مجلس إدارة شركة قطونيل، عن أول مليون جنيه استطاع جمعها، وعن كيف تحولت شركته من مصنع صغير إلى علامة معروفة في صناعة الملابس الداخلية في مصر.

وأضاف "سماقية" في لقاء تلفزيوني: "أول مليون عملته سنة 2003، يعني بعد المصنع ما بدأ بـ4 سنين تقريباً، قبل كده كان يا دوب بتشيل نفسها، وبعدين انطلقنا، وهي الحاجة اللي احنا أخدناها ناحية تطوير صناعة الملابس، إننا لما بدأنا كان كله بيلبس الأبيض في الأبيض، فقلت ليه منصنعش ألوان؟ ودي كانت النطة الكبيرة".

وعن سبب تسمية شركته بـ"قطونيل"، أوضح "سماقية": "كنا بنحط أسامي لغاية ما وصلنا لقطن النيل، فجت قطونيل القطن بيتكلم مصري؟ دي السلوجان، أنا بعرف أعمل سلوجانات وبحب أعمل كده وبساعد أصحابي في الإعلانات".

قوة تأثير الإعلانات في السوق

وأشار "سماقية" إلى قوة تأثير الإعلانات في السوق قائلًا: "في الإعلانات ده أنتِ بتتكلمي عن منتج بره بيعملوا جدل أكتر بكتير، إحنا هنا بنعتبر متحفظين، فاكرة إعلان ابن الجيران؟ ظهر يومين عمل تأثير أكتر ما يظهر شهر كامل، أنت خسرت فيه كتير؟ بالعكس، ده دخل عليه 28 مليون مشاهدة على السوشيال ميديا بعد ما اتوقف".

وأكد أن سر النجاح يكمن في الابتكار والقدرة على جذب الانتباه بطريقة ذكية: "إحنا بنحب نطور، بنحب نجرّب، وده اللي بيخلي قطونيل علامة لها حضور في ذهن المستهلك".

أخبار متعلقة

وزير العمل يفتح ملف معوقات صناعة الملابس الجاهزة لزيادة الإنتاج والتصدير

03 فبراير 2026 01:32 م

صناعة الملابس الجاهزة على طاولة مناقشات وزير قطاع الأعمال العام ومستثمرين أتراك

29 يناير 2026 03:26 م

صناعة الملابس الجاهزة في مصر تسجل نموًا سنويًا بنسبة 40.5% خلال 2025

16 يناير 2026 11:26 م

صناعة الملابس والنسيج، تاريخ عريق ومحرك رئيسي لفرص العمل والصادرات

15 يناير 2026 03:40 ص

5% من السوق العالمي، صناعة الملابس الجاهزة تستهدف 20 مليار دولار صادرات بحلول 2030

08 يناير 2026 10:26 م

صناعة «الملابس الجاهزة» تتصدر صادرات قطاع الغزل والنسيج

05 يناير 2026 01:30 م